पुणे : भारती विद्यापीठाच्या इन्स्टिट्यूट ऑफ मॅनेजमेंट अॅंड आंत्रप्रुनरशीप डेव्हलपमेंटमध्ये (आयएमईडी) ‘सस्टेनेबल बिझनेस प्रॅक्टिसेस अॅंड मार्केटिंग स्ट्रॅटेजीस’ या विषयावर कार्यशाळा आयोजित करण्यात आली होती.
पौड रस्ता कॅंपसमध्ये नुकत्याच झालेल्या या कार्यशाळेचे उद्घाटन भारती विद्यापीठाच्या व्यवस्थापनशास्त्र शाखेचे अधिष्ठाता डॉ. सचिन वेर्णेकर यांनी केले. कार्यशाळेत मॅन ट्रक्स इंडियाचे सरव्यव्स्थापक सत्यनारायण दोरायस्वामी, एचपी एंटरप्रायझेसचे कंट्री हेड राजेश बोरडे यांनी मार्गदर्शन केले.
व्यवस्थापनशास्त्र विषयाच्या ३० विद्यार्थ्यांनी या कार्यशाळेत सहभाग घेतला. विद्यार्थ्यांनी सादर केलेल्या प्रकल्पांचे डॉ. भारतभूषण सांख्ये, डॉ. अजित मोरे, डॉ. दीप्ती पिसाळ यांनी परीक्षण केले.
